More

    ირანის საზღვარზე გაჩერებული ქართველი მძღოლების საკითხზე ირანში საქართველოს კონსულმა საბაჟო ტერმინალში შეხვედრები გამართა

    spot_img

    ირანის საზღვარზე შეჩერებული ქართველი მძღოლების საკითხზე ინფორმაციის გაზიარების და მძღოლების მდგომარეობის ადგილზე კიდევ ერთხელ გაცნობის  მიზნით ირანის ისლამურ რესპუბლიკაში საქართველოს კონსული, გიორგი სალთხუციშვილი ადგილზე ჩავიდა და საქართველოს მოქალაქეებს შეხვდა. ინფორმაციას საგარეო საქმეთა სამინისტრო ავრცელებს. 

    მისი თქმით, უკვე განხორციელდა რამდენიმე მანქანის გამოშვება და ეს პროცესი ეტაპობრივად გაგრძელდება.

    კონსული გაეცნო საზღვარზე დარჩენილი დაახლოებით 40-მდე სატვირთო ავტომობილის მძღოლის მდგომარეობას და მათ საჭიროებებს.

    გიორგი სახლთხუციშვილი ასევე შეხვდა საბაჟო ტერმინალის უფროსსა და სასაზღვრო გამშვები პუნქტის ხელმძღვანელს, რომელთაც კიდევ ერთხელ დაადასტურეს კეთილგანწყობა საქართველოს მიმართ და აღნიშნეს, რომ მიმდინარეობს მაქსიმალურად აქტიური მუშაობა საკითხის დროულად გადასაწყვეტად და საქართველოს მოქალაქეებისთვის სამშობლოში დაბრუნებისთვის უფლების მისაცემად.

    ამასთან, საქართველოს საელჩო ირანში აგრძელებს შესაბამის უწყებებთან მუშაობას, მძღოლების საქართველოში დაბრუნების პროცესის დასაჩქარებლად.

    ცნობისთვის, საქართველოს საგარეო საქმეთა სამინისტროში, საქართველოს საგარეო საქმეთა მინისტრის მოადგილე ალექსანდრე ხვთისიაშვილი შეხვდა ირანში გაჩერებული მძღოლების ოჯახის წევრებს, გააცნო მათ არსებული მდგომარეობა და განუმარტა, რომ საგარეო უწყება აქტიურად მუშაობს მოცემული პრობლემის აღმოსაფხვრელად.

    spot_img

    მსგავსი სიახლეები

    Leave A Reply

    Please enter your comment!
    Please enter your name here