More

    მარიამ ქვრივიშვილი ევროპის საბჭოს საპარლამენტო ასამბლეაზე: ეკონომიკის აღდგენის ერთ-ერთი პრიორიტეტული მიმართულება ტურიზმის სექტორია

    spot_img

    „პანდემიის შედეგად, ყველაზე მეტად დაზარალდა ტურიზმის სექტორი, რომელიც ჩვენი ქვეყნის მშპ-ის 8%-ს შეადგენდა, შესაბამისად, ის ეკონომიკის აღდგენის გეგმის ერთ-ერთი პრიორიტეტული მიმართულებაა “,- ამის შესახებ ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის წევრმა, მარიამ ქვრივიშვილმა ასამბლეის პლენარულ სხდომაზე განაცხადა.

    მარიამ ქვრივიშვილის განცხადებით, COVID-19 არა მხოლოდ გლობალური პანდემია და საზოგადოებრივი ჯანმრთელობის გამოწვევაა – მან ასევე მძიმედ დააზიანა გლობალური ეკონომიკა.

    მისივე თქმით, ეკონომიკის აღდგენის ერთ-ერთი პრიორიტეტული მიმართულება საქართველოსთვის ტურიზმის სექტორია.

    „ჩვენ მოწმენი ვართ შემოსავლების უპრეცედენტო შემცირების, უმუშევრობის ზრდისა და მნიშვნელოვანი ინდუსტრიების შესუსტების.

    თქვენი ქვეყნების მსგავსად, საქართველოს მთავარ პრიორიტეტს წარმოადგენს შეაკავოს პანდემია და სწრაფად აღადგინოს ეკონომიკური სტაბილურობა.

    პანდემიის შედეგად, ყველაზე მეტად დაზარალდა ტურიზმის სექტორი, რომელიც ჩვენი ქვეყნის მშპ-ის 8%-ს შეადგენდა, შესაბამისად, ის ეკონომიკის აღდგენის გეგმის ერთ-ერთი პრიორიტეტული მიმართულებაა და ვაქცინაცია გადამწყვეტ როლს ასრულებს ჩვენი ეკონომიკის უსაფრთხო და სწრაფი აღდგენის სტრატეგიაში“,- აღნიშნა დელეგაციის წევრმა, მარიამ ქვრივიშვილმა.

    spot_img

    მსგავსი სიახლეები

    Leave A Reply

    Please enter your comment!
    Please enter your name here