More

    საქართველოს ბანკი მომხმარებელს ევექსი კლინიკების ქსელში 0%-იან განვადებას სთავაზობს

    spot_img

    საქართველოს ბანკი მომხმარებლის საჭიროებებზე მორგებული პროდუქტებისა და სერვისების შეთავაზებას განაგრძობს. უკვე დღეიდან, ევექსის კლინიკებში საქართველოს ბანკის 0%-იანი განვადებით სარგებლობა მომხმარებელს დამატებითი საკომისიოს გარეშე შეუძლია, – ამის შესახებ ინფორმაციას საქართველოს ბანკში ავრცელებენ.

    მათივე ცნობით, პროდუქტით სარგებლობისას შესაძლებელია სამედიცინო სერვისებზე დანახარჯი დროში გადანაწილდეს და მომხმარებელმა სასურველი სამედიცინო მომსახურებით მარტივად ისარგებლოს.

    ბანკის ინფორმაციით, მომხმარებელი სასურველ მომსახურებაზე განვადების დამტკიცებას ევექსის კლინიკებში, 15 წუთში შეძლებს. განვადება გავრცელდება 200 ლარის ზემოთ ღირებულების ნებისმიერ ამბულატორიულ სერვისზე.

    მომხმარებელს ექნება შესაძლებლობა, თანხა 6 თვიდან 1 წლამდე პერიოდზე გადაანაწილოს. განვადება ვრცელდება ევექსი კლინიკების ქსელში სპეციალისტების კონსულტაციაზე, ლაბორატორიულ გამოკვლევებზე, ექოსკოპიურ და რენტგენოლოგიური გამოკვლევებზე, კომპიუტერულ ტომოგრაფიაზე და 800-მდე სხვა დასახელების ამბულატორიულ სამედიცინო სერვისზე.

    მათი თქმით, განვადებაზე განაცხადის შევსებას შეძლებს როგორც საქართველოს ბანკის მომხმარებელი, ასევე ამ პროდუქტით დაინტერესებული ნებისმიერი ადამიანი.

    განვადებასთან ერთად ევექსი კლინიკები პროექტის – HEALTHY CLUB-ის ფარგლებში საქართველოს ბანკის ლოიალურობის პროგრამა PLUS- ში ჩართულ მომხმარებლებს და SOLO-ებს განსაკუთრებულ პირობებს სთავაზობს.

    ბანკის ცნობით, შეთავაზება უნიკალურია და ჯანსაღი ცხოვრების წესთან და ჯანმრთელობასთან დაკავშირებულ პროდუქტებზე 50%-მდე ფასდაკლებებს გულისხმობს. HEALTHY CLUB შეიქმნა განსაკუთრებული შინაარსით. ის აერთიანებს იმ მიმართულებებზე ფასდაკლებებს, რომლებიც ცხოვრების ჯანსაღ წესსა და ჯანმრთელობას უკავშირდება.

    მათივე ცნობით, HEALTHY CLUB გულისხმობს 50%-მდე ფასდაკლებას სრულიად ულიმიტოდ და შეუზღუდავად 800-მდე დასახელების ამბულატორიულ და ლაბორატორიულ სერვისზე, ექოსკოპიასა და კონსულტაციაზე; სპეციალური ჯანმრთელობის სრული შემოწმების Check-up პროდუქტებზე, რომლებიც პროექტის ფარგლებში სამედიცინო გუნდის მიერ შეიქმნა; მაღალტექნოლოგიურ გამოკვლევებზე; სტომატოლოგიური სერვისების სრულ სპექტრზე, მათ შორის, ესთეტიკის სერვისებზე.

    HEALTHY CLUB ასევე გულისხმობს ფასდაკლებებს ჯანსაღი ცხოვრების მხარდამჭერ პარტნიორ დაწესებულებებში, როგორიცაა: ვარჯიშის, სილამაზის, ესთეტიკის, ფსიქოლოგიის, დასვენებისა და სხვა სერვისები.

    HEALTHY CLUB-ის ფასდაკლებების პირობები ვრცელდება როგორც დაზღვეულ, ისე დაუზღვეველ პირებზე ულიმიტოდ, დაზღვევით დაუფარავ ან დაუფინანსებელ სერვისებზე.

    ფასდაკლების მიღება შესაძლებელია ექიმთან წინასწარი ვიზიტის და მიმართვის ფორმების წარდგენის გარეშე. მომხმარებელს შესაძლებლობა ექნება, კონკრეტული სამედიცინო სერვისის ყიდვის დროს ფასდაკლება ავტომატურად გაიაქტიუროს.

    დამატებითი ინფორმაცია ხელმისაწვდომია შემდეგ ბმულზე.

    spot_img

    მსგავსი სიახლეები

    დაკოპირება ისჯება კანონით ! !