More

    საქართველოს პარლამენტის თავმჯდომარე არჩილ თალაკვაძე ეროვნულ-დემოკრატიული ინსტიტუტის (NDI) ოფისის დირექტორს საქართველოში, ალან გილემს შეხვდა

    spot_img

    საქართველოს პარლამენტის თავმჯდომარე არჩილ თალაკვაძე ეროვნულ-დემოკრატიული ინსტიტუტის (NDI) ოფისის დირექტორს საქართველოში, ალან გილემს შეხვდა. ინფორმაციას საქართველოს პარლამენტის პრესსამსახურის წარმომადგენელი ავრცელებს. 

    საქართველოს პარლამენტის პრესსამსახურის ინფორმაციით, შეხვედრისას საუბარი შეეხო საქართველოს მეათე მოწვევის პარლამენტსა და NDI-ს შორის თანამშრომლობის გეგმას, პარლამენტის საქმიანობის პრიორიტეტებს და ახალ ინიციატივებს.

    არჩილ თალაკვაძემ NDI-ს ოფისის დირექტორთან განიხილა ძირითადი მიმართულებები, რომელზეც მეათე მოწვევის პარლამენტი დონორებთან და პარტნიორ ორგანიზაციებთან აქტიური თანამშრომლობისთვის ემზადება – მოქალაქეთა ჩართულობის ხელშეწყობა, თემატური კვლევების მხარდაჭერა, რომელიც საკანონმდებლო ინიციატივებს დაეხმარება, საპარლამენტო პროცესში ახალგაზრდების მონაწილეობის გაზრდა, პოლიტიკაში ქალთა მონაწილეობის გაძლიერება და პარლამენტის საზედამხედველო ფუნქციების მხარდაჭერა.

    ალან გილემმა პარლამენტის თავმჯდომარესთან გამოთქვა მზადყოფნა, რომ NDI განაგრძობს საქართველოს პარლამენტის საქმიანობის მხარდაჭერას.

    spot_img

    მსგავსი სიახლეები

    Leave A Reply

    Please enter your comment!
    Please enter your name here