More

    ტატო გრიგალაშვილმა დოჰას მასტერსზე ოქროს მედალი მოიპოვა

    spot_img

    ყატარის დედაქალაქ დოჰაში მიმდინარე ძიუდოს მასტერსზე ტატო გრიგალაშვილმა 81 კილოგრამ წონით კატეგორიაში, ოქროს მედალი მოიპოვა. ქართველმა ძიუდოსტმა საქართველოს დელეგაციას დოჰას მასტერსზე პირველი ოქროს მედალი მოუტანა.

    ტატო პირველი წრისგან თავისუფალი იყო, ხოლო მეორე ეტაპზე უნგრელი ატილა უნგვარი დაამარცხა, რასაც იტალიელ ანტონიო ესპოზიტოსთან გამარჯვება მოჰყვა.

    მეოთხედფინალში გრიგალაშვილის მეტოქე რუსი ალან ხუბეცოვი გახლდათ და ჩვენებურმა შანსი მასაც არ მისცა, ნახევარფინლაში კი სამხრეთ კორეელ ლი სეუნგოს დამარცხება შეძლო. ფინალში ტატოს მეტოქე ნიდერლანდელი ფრანკ დე ვიტი გახლდათ და დამაჯერებლად, იპონით იმარჯვა.

    ამავე წონით კატეგორიაში ლუკა მაისურაძე გამოდიოდა, თუმცა სამწუხაროდ მან პირველივე შეხვედრაში მონღოლ საეიდ მოლაეისთან წააგო, შემდეგ ეტაპზე ისიც დამარცხდა და ლუკამ რეპეშაჟის შანსიც დაკარგა.

    73 კგ წონით კატეგორიაში ლაშა შავდათუაშვილისთვისაც წარუმატებელი გამოდგა დოჰას მასტერსი. 2012 წლის ოლიმპიური ჩემპიონი პირველივე შეხვედრაში ისრაელის წარმომადგენელ ტოჰალ ბუტბულთან დამარცხდა და მედლისთვის ბრძოლას გამოეთიშა.

    აქვე გეტყვით, რომ გუშინ ბრინჯაოს მედალი ვაჟა მარგველაშვილმა (66 კგ) მოიპოვა. ხვალ დოჰას მასტერსზე ბოლო საშეჯიბრო დღეა, ქართველი ძიუდოისტებიდან კი ტატამზე ბექა ღვინიაშვილი (90 კგ), ლაშა ბექაური (90 კგ), ვარლამ ლიპარტელიანი (100 კგ), გელა ზაალიშვილი (+100 კგ), ლევან მატიაშვილი (+100 კგ) და გურამ თუშიშვილი (+100 კგ) გავლენ.

    spot_img

    მსგავსი სიახლეები

    Leave A Reply

    Please enter your comment!
    Please enter your name here