More

    „შეიძლება ბავშვმა კორონავირუსი უფრო მარტივად გადაიტანოს, ვიდრე ჩაკეტილობით გამოწვეული პრობლემები“ – თემურ მიქელაძე

    spot_img

    ბავშვებში კორონავირუსის რაოდენობამ მოიკლო, ჩაკეტილობამ კი მათში  საკმაოდ რთული პრობლემები გამოიწვია, – ამის შესახებ იმუნიზაციის ექსპერტთა საბჭოს წევრმა, პედიატრიული განყოფილების უფროსმა თემურ მიქელაძემ მედიაცენტრ „მთავარში“ სტუმრობისას განაცხადა.

    მისი თქმით, თუ ოქტომბერ-ნოემბერში მას ყველა დღე ჰქონდა 15 შემთხვევა ახლა აქვს ერთი ან ორი ახალი შემთხვევა.

    პედიატრიული განყოფილების უფროსის თემურ მიქელაძის განცხადებით, ჩაკეტილობამ ბავშვებში საკმაოდ რთული პრობლემები გამოიწვია როგორიცაა: სიმსუქნე, აგრესიულობა, უძილობა, საგნის ათვისების პრობლემა.

    მისი თქმით, მულტისისტემური ანთებითი სინდრომის დროს აუცილებელია დროული რეფერარი.

    „ბავშვთა უმრავლესობა კორონავირუსს უპრობლემოდ გადაიტანს, მაგრამ ნეიროფსიქიატრიული პრობლემების მოგვარება საკმაოდ რთულია. ყოველდღიურად დაახლოებით 15 000-დან 20 ათასამდე ტესტი ტარდება. თუ ასე გაგრძელდა, თვის ბოლოს დიდ ქალაქებში ალბათ სასურველია, რომ სკოლები გაიხსნას. საკმაოდ რთულია ონლაინ მიჯაჭვულობა, განსაკუთრებით ისეთი ონლაინ მიჯაჭვულობა, რომელიც სწავლასთან არ არის დაკავშირებული“, – აღნიშნა პედიატრიული განყოფილების უფროსმა თემურ მიქელაძემ .

    როგორც თემურ მიქელაძემ აღნიშნა, ბავშვები 3-ჯერ მაინც უნდა გავიდნენ გარეთ. აუცილებელია სხვადასხვა დაწესებულებებმა დაიცვას ჰიგიენური ნორმები.

    „ჰიგიენური ნორმების დაცვით ჩვენ არა მარტო კორონავირუსს არამედ სხვა ვირუსულ ინფექციებს ავირიდებთ“, – განაცხადა თემურ მიქელაძემ.

    spot_img

    მსგავსი სიახლეები

    Leave A Reply

    Please enter your comment!
    Please enter your name here