wizz airis aviabiletebi
More

    ქალმა მეგობარ კაცთან გადაღებული ფოტო სოციალურ ქსელში გამოაქვეყნა, რის გამოც კაცმა სასაფლაოსთან მიყვანა და ცემით მოკლა – ბრალდებული დამნაშავედ ცნეს

    wizz airis aviabiletebiwizz airis aviabiletebi

    გენერალური პროკურატურის ცნობით, ნაფიცმა მსჯულებმა შურისძიებით ჩადენილ მკვლელობაში ბრალდებული დამნაშავედ ცნეს და სასამართლომ მას 13 წლით თავისუფლების აღკვეთა მიუსაჯა. საქმეს თბილისის საქალაქო სასამართლო განიხილავდა.

    „სასამართლო პროცესზე დადგინდა, რომ მამაკაცმა ქალი ერთ-ერთი ინტერნეტ-გვერდის მეშვეობით გაიცნო და მას შემდეგ, თვეების განმავლობაში მასთან პირადი ურთიერთობა ჰქონდა.

    2022 წლის 22 აგვისტოს დაზარალებულმა სოციალურ ქსელში, პირად გვერდზე ბრალდებულთან ერთად გადაღებული ფოტო განათავსა. ფარული ურთიერთობის საჯაროდ გაცხადება მიუღებელი აღმოჩნდა მამაკაცისთვის, რის შემდეგაც მან შურისძიების მიზნით, მსხვერპლი ვარკეთილში მდებარე სასაფლაოსთან მიიყვანა, სადაც სასტიკად სცემა, რის შედეგადაც დაზარალებული ადგილზე გარდაიცვალა”, – წერია უწყების განცხადებაში.

    ნაფიცი მსაჯულები, საქმის გარემოებებისა და მტკიცებულებების დეტალურად შესწავლის შემდეგ, დარწმუნდნენ პროკურატურის პოზიციის მართებულობაში და ბრალდებული სისხლის სამართლის კოდექსის 108-ე მუხლით, რაც განზრახ მკვლელობას გულისხმობს, დამნაშავედ ცნეს.

    Facebook კომენტარები
    spot_imgspot_img
    ავიაბილეთები იაფად

    ახალი ამბები

    დაკოპირება ისჯება კანონით ! !

    iafi aviabiletebi avia.ge