ზაფხული საქართველოს ცნობილ სახეებისთვის ის პერიოდია, როდესაც ისინი აქტიურად ტოვებენ დატვირთულ ყოველდღიურობას და დროის გასატარებლად არჩევენ როგორც უცხოურ, ისე ადგილობრივ კურორტებს. მათი შვებულებები ხშირად ხდება მედიისა და სოციალური ქსელების განხილვის თემა. სელებრითების მოგზაურობის ისტორიები ბევრისთვის იქცევა სამოგზაურო გზამკვლევად, რადგან ისინი ავლენენ ახალ მიმართულებებს, საინტერესო ადგილებს და ზაფხულის საუკეთესო გამოცდილებებს.
ეგზოტიკური კურორტები
ბოლო წლებში, ქართველმა სელებრითებმა დასასვენებელი მიმართულებები გაამრავალფეროვნეს და ეგზოტიკურ ქვეყნებს მიაშურეს. მაგალითად, ცნობილი ტელესახე, ნანუკა ჟორჟოლიანი, ხშირად ირჩევს აღმოსავლურ მიმართულებებს. მისი არჩევანი ხშირად ეგვიპტესა და გაერთიანებულ არაბთა საამიროებზე ჩერდება, ასევე სეიშელის კუნძულები. ამ ადგილებს ნანუკა ოჯახთან ერთად სტუმრობს და საკუთარ გამომწერებს დუბაის და შარჯას ულამაზეს ხედებს უზიარებს.
–
როცა საუბარი ევროპულ მიმართულებებსა და ელეგანტურ გარემოზე მიდგება, ალექსანდრა პაიჭაძე ხშირად ირჩევს იტალიის რომანტიკულ კუთხეებს. ზაფხულის დღეებში ის შვილებთან ერთად კომოს ტბის სანაპიროზე ისვენებს, სადაც სიმშვიდე, სილამაზე და დახვეწილი ატმოსფერო იდეალურად ერწყმის ერთმანეთს. ალექსანდრა სოციალური ქსელების საშუალებით გამომწერებს უზიარებს ზღვისპირა ხედებსა და ოჯახურ მომენტებს, რაც მის დასვენებას კიდევ უფრო მიმზიდველსა და შთამაგონებელს ხდის.
პოპულარობით სარგებლობს იტალია და მისი კუნძულები, კერძოდ, სიცილია და სარდინია. ესპანეთი და კუნძულები, მაგალითად, მაიორკა და იბიცა. მომღერალი ნინა სუბლატი, როგორც წესი, ევროპულ მიმართულებებს ანიჭებს უპირატესობას. ის ხშირად აზიარებს ფოტოებს ბარსელონას ქუჩებიდან თუ ბერლინის მოდური უბნებიდან.
ახალ თაობაში განსაკუთრებულ პოპულარობას იძენს ნუცა ბუზალაძე, რომელიც ზაფხულში ხშირად მოგზაურობს ევროპასა და ამერიკაში. მისი სოციალური ქსელები სავსეა ზღვისპირა კურორტების, მუსიკალური ფესტივალებისა და კულტურული ტურის ფოტომასალებით. ნუცა არა მხოლოდ მუსიკალური კარიერით, არამედ მოგზაურობის სტილითაც გამორჩეულია, რაც ბევრ ახალგაზრდას აძლევს იდეას, როგორ დაგეგმონ თავიანთი ზაფხული.
ზაფხულის სეზონზე ავიაბილეთების ფასები საგრძნობლად იმატებს, ამიტომ სელებრითები მათ წინასწარ, დიდი ხნით ადრე ყიდულობენ. ფასების მატებაზე გავლენას ახდენს ზაფხულის მოთხოვნა, ამიტომაც თუ თქვენც გეგმავთ მსგავსი დასვენების მოწყობას, წინასწარ უნდა იზრუნოთ aviabiletebi ს შეძენაზე.
საინტერესოა, რომ ზაფხულში მოგზაურობის დროს ხშირად იქმნება გაუთვალისწინებელი სიტუაციები. მაგალითად, ფრენის დაგვიანება ან გაუქმება. ასეთ დროს, მგზავრებს შეუძლიათ მიიღონ ფრენის კომპენსაცია რაც ნამდვილად კარგი პრაქტიკაა ნებისმიერი მოგზაურისთვის.
როცა შენი ქვეყანა სამოთხეა: დასვენება საქართველოში
მიუხედავად იმისა, თუ რამდენად პოპულარულია საზღვარგარეთ დასვენება, ქართველი სელებრითების უმეტესობა მაინც საქართველოს ულამაზეს კუთხეებს ანიჭებს უპირატესობას. მათთვის საქართველოს რეგიონებში დასვენება არანაკლებ შთამბეჭდავია, ვიდრე ეგზოტიკურ ქვეყნებში.
მაგალითად, მსახიობი და ტელეწამყვანი, ეკა ამირეჯიბი, ხშირად სტუმრობს სვანეთს. მას გამომწერები ულამაზესი კადრებით ანებივრებს, სადაც მწვანე მთები და დათოვლილი მწვერვალები ჩანს.
თუ ზღვისპირა კურორტებზე ვსაუბრობთ, სელებრითების არჩევანი, როგორც წესი, აჭარასა და გონიოზე ჩერდება. ცნობილი ჟურნალისტი, ინგა გრიგოლია, ყოველ ზაფხულს ბათუმში ატარებს. მისი სახლი ბათუმის ერთ-ერთ ცენტრალურ უბანში მდებარეობს, ამიტომაც ხშირად სარგებლობს შავი ზღვის სიახლოვით.
ოლიმპიური ჩემპიონი ლაშა ბექაური ერთ-ერთია იმ სპორტსმენთაგან, რომელიც თავისი საქმისადმი ერთგულებასთან ერთად, საზოგადოებას მოგზაურობის სიყვარულსაც უზიარებს. ლაშა, როგორც წესი, ირჩევს საქართველოს თვალწარმტაც ადგილებს — კახეთს, სვანეთს, ყაზბეგს — სადაც ფიზიკურ აქტივობასთან ერთად, ბუნების სილამაზითაც ტკბება. მისი მაგალითი განსაკუთრებით შთააგონებს ახალგაზრდებს, რომ შვებულება შეიძლება იყოს როგორც დასვენება, ასევე სპორტული გამოწვევა.
ბოლო წლებში, განსაკუთრებით პოპულარული გახდა დასვენება საქართველოს რეგიონებში. აქ უამრავი სოფელი და პატარა ქალაქია, რომელიც დასვენების შესანიშნავ საშუალებას იძლევა. ქართველი სელებრითები აქტიურად სტუმრობენ მესტიას, საირმეს, ბაკურიანს, გუდაურს და სხვა კურორტებს. თუმცა, მაღალმთიან რეგიონებში დასვენების დროს ამინდი ხშირად ცვალებადია, რაც თავის მხრივ დასვენებას უფრო შთამბეჭდავს ხდის.
სელებრითების მოგზაურობა როგორც ინსპირაცია
სოციალური ქსელების წყალობით, ქართველი სელებრითების დასვენების ფოტოები და ისტორიები სწრაფად ვრცელდება. ეს ინფორმაცია ხშირად იქცევა სამოგზაურო გზამკვლევად მათი გამომწერებისთვის. სელებრითების მაგალითები ბევრს აძლევს იდეას, სად უნდა გაატარონ ზაფხული, როგორ დაგეგმონ ბიუჯეტი, რა ტრენდული მიმართულებებია წელს აქტუალური და რა დამატებით სერვისებს სჭირდება გათვალისწინება, მაგალითად, სამოგზაურო დაზღვევა რომელიც იცავს მოგზაურებს გაუთვალისწინებელი შემთხვევების დროს და შვებულებას უფრო მშვიდსა და კომფორტულს ხდის.
ქართველი სელებრითების ზაფხული მრავალფეროვანი და შთამაგონებელია. ზოგი ირჩევს ადგილობრივ კურორტებს, ზოგი კი ზღვარგარეთ მოხვედრას ამჯობინებს. მათი შვებულების ფოტოები და ისტორიები იქცევა გზამკვლევად გულშემატკივრებისთვის, რომლებიც ოცნებობენ მსგავს გამოცდილებაზე.